السلام عليكم ورحمة الله وبركاته
من فتره رجعت ارسم …بعد انقاطع طوووووييييل
هذي اخر رسمه رسمتها “اليوم” لول
وهذي الصفحه كامله فيها كل الرسمات
😀
jocks!! January 29, 2009
السلام عليكم ورحمة الله وبركاته !
حصلت هالنكت في الايميل واصلني من زمان …
هالنكتتين عيبني خخخخ :
محشش راح يعزي .. سأل… شكان يشتغل؟
قالوا له : حفار قبور
أنا قايل : من حفر حفرة لأخيه وقع فيها….
بدوي راح للدكتور يشتكي كله يحلم بقطاوة يلعبون كرة
قال له الدكتور: يومين لا تنام
رد قاله:ماقدر اليوم بيلعبون النهائي!
——
لول
Back to blogging?? January 22, 2009
Salam 3lekom ! = Hello!
Well not sure if i’ll keep on posting in my blog … but still i’ll try …
Currently am at “work” yeah you have read it right , but it is a ” Training couse”.. well this is really differnet than an ordinary course.
..wake up in the “early” mornin , lol am not used to that since most of my classes are at evening …but it is a great experience that am having 😀 better than just sitting infront of the instructor and listening , here you meet new people everyday which I like !
well nothing to say but checking my blog a lthough it looks like a place of ghosts 😛
hanging-out ! July 23, 2008
السلام عليكم ورحمة الله وبركاته !
واخيرا ما بغيت اكتب شي في المدونه المهجوره..
الاجازه بدت تقريبا من 10 ايام ! ووقت الدراسه ودي اسوي كل شي بس لما تيي الاجازه كلها نوم خخخ
من كم يوم ما خليت مكان مارحت له من الملل الصور تتكلم 😀
Wall-E مصنوع من الكرتون !
هذا ايضا مصنوع من الكرتون بس اللي واقغ عداله بشر :p
واحد رهيب من الربع !
وطبعا ..الكبير كبير ما يحتاي
Solid Snake بوشنب
—-
من فتره كنت مدمن ال
—
اجازه صيفيه نوعا ما طويله لازم اشتغل كل ثانيه ودقيقه فيها قبل الجامعه …
ما عندي شي اقوله
سي يو
حمل فايرفوكس 3! June 17, 2008
السلام عليكم ورحمة الله وبركاته!
من فتره موزيلا وهي ناويه تحطم الرقم القياسي انها تدخل موسوعة جينيس للأرقام القياسيه
في انها تحقق اكبر عدد تحميل لمتصفح فايرفوكس الاحدث “النسخه الثالثه” ..من المعروف ان متصفح
فاير فوكس يعتبر من افضل المتصفحات وينافس ايضا انترنت اكسبلورر من مايكروسوفت 🙂
اضغط للتحميل
البلوق غبّر !!! May 18, 2008
السلام عليكم ورحمة الله وبرككاته !
اووف من زمان ما كتبت شي في المدونه !
لأني اساسا ما عندي افكار اطرحها او مواضيع خخخ
بحاول اكتب بين فتره وفتره !
عالاقل بوست واحد كل اسبوع !
انتظرونا !!
مواقع التعارف ! April 7, 2008
السلام عليكم ورحمة الله وبركاته !
قاعد اكتب لكم وانا انتظر لحد ما ترد اتصالات علي !!! خيسوني حوال ٢٥ دقيقه الحين !
ما علينا !
الفتره الاخيره وايد انتشرت مواقع التعارف عبر الانترنت واعني بمواقع التعارف هي مثل اسلوب المنتديات مثال
Face Book , Flickr , My Spac وغيرها من المواق.
عليها اقبال كبير ، وكثيرين للأسف يستغلون هالمواقع للمظاهر ! تلقاه مصور ساعته الرولكس ونظارتها الديور وعطرها الشانيل وجوتيه ارماني لووول.
بس فعلا يعني هذا اللي اشوفه ، عندك موقع فلكر اللي هو عباره عن استعراض فن التصوير الفوتوغرافي صار وبدرجه اولى موقع للتعارف بين الشباب والشابات والمظاهر اللي تكلمت عنها فوق ، السؤال هو ما يحسون انها سخافه 
طبعا يا على بالي هالموضوع بسبب ايميل وصلني من فتره عن شخص مصور نفسه وطايحين فيه طيحه من كثر التعليقات !
لأن كل صوره مصورنها وهو لابس نظاره ماركه ولا كاب ماركه ولا ساعه هههه الايميل كان يضحك خخخ !!
الله يهدينا كلنا !
——
جديري على كبر!
—–
يقولون ان اللي يجيه جديري وهو كبير يتعب اكثر عن ما يجيه هو صغير !
ما تأكد من الشي هذا الا لما اربيعي ياه الجديري !
وحسب كلامه ان فعلا يتعب الانسان من الجديري على كبر بشكل شديد!
واللي استغرب منه اكثر ان عادي الانسان يصيبه الجديري مرتين في العمر !
الله يشفينا كلنا ان شاء الله !
الدنيا صايره غاليه صح بس لحظه قبل لا تكمل !! March 23, 2008
السلام عليكم ورحمة الله وبركاته !!!
في الآونه الاخيره وايد نسمع الناس تقول ان الدنيا غاليه وطبعا انا واحد منهم بلاشك.
وهو فعلا كل شي صاير غالي سواءا في بلادنا او في الخليج .
وللأسف الامارات تعتبر الاولى عالميا في نسبة التضخم وبعدها علي طول قطر .
الله المستعان ، بس لحظه ، قبل ما نكمل شكاوينا ، خلونا نوقف شوي ونشوف حوالينا !
ترانا احسن من غيرنا ، الحمد لله عايشين وكل شي بس فكرتوا بالعمال اللي يبنون في المباني؟ لما اطلع بالسياره اقول في نفسي،
مساكين هذيلا، اذا نحنا نعاني هم كيف يعيشون؟ احس انهم بس يبغون يعيشون ما يبغون شي ثاني ، يشتغلون من خاطر علشان يعيشون وعيشون اهلهم.
ما اقول غير الحمد لله والله يعينا كلنا .
And the heat is ON ! March 15, 2008
السلام عليكم ورحمة الله وبركاته !!
بعد ٣ شهور من الجو البارد واشتياقي للأجواء الدافيه ! اسحب كلامي واقول ابغي البرد مره ثانيه
من كم يوم عندنا الجو صاير حاار ! والمشكله انه بعده ما وصل للأربعينات ونحنا حرانين!
-_-“
———-
ستار بكس؟ كوستا؟ كوفي بين ؟ ولا واحد !!!
كاريبو كافيه ! اذا تحب القهوه ومشتقاتها مثل كوفي موكا والكابتشينو الخ !
واذا عندكم هالكافيه روح جربه ! تقريبا هو بديل لستار بكس في المشربات السخانه بس ما انصح بمشروباته البارده
———-
هالصوره مصورنها تقريبا من ١٠ ايام !
ما ادري بالضبط شو اللي كان محترق بس من الصوره باين الدخان بشكل واضح جدا !
وأخيرا
اقول وورد بريس احسن من بلوجر بألف مره !
حادث؟ بل حوادث ! March 11, 2008
السلام عليكم ورحمة الله وبركاته !
ماياني الخبر الا اليوم باليل ! ان اليوم الصبح صارت عشرات الحوادث في شارع واحد وهو
الطريق اللي يربط بين دبي وبوظبي !وعلى حسب الخبر ان اكثر من 50 سياره تأثرت بالحادث اللي استوى !
والاسوء ان في سيارات ان عشرات السيارات احترقت في الشارع !!!
طبعا اليوم في الامارات ضباب غير طبيعي وهو السبب في الحادث !
وحسب ما ذكروا ان في ٣ شخاص توفوا ! الله يرحمهم.
هذي الصور!
Aziz's BlOg ! 