And the heat is ON ! March 15, 2008
السلام عليكم ورحمة الله وبركاته !!
بعد ٣ شهور من الجو البارد واشتياقي للأجواء الدافيه ! اسحب كلامي واقول ابغي البرد مره ثانيه :/
من كم يوم عندنا الجو صاير حاار ! والمشكله انه بعده ما وصل للأربعينات ونحنا حرانين!
-_-”
———-
ستار بكس؟ كوستا؟ كوفي بين ؟ ولا واحد !!!
كاريبو كافيه ! اذا تحب القهوه ومشتقاتها مثل كوفي موكا والكابتشينو الخ !
واذا عندكم هالكافيه روح جربه ! تقريبا هو بديل لستار بكس في المشربات السخانه بس ما انصح بمشروباته البارده
———-
هالصوره مصورنها تقريبا من ١٠ ايام !
ما ادري بالضبط شو اللي كان محترق بس من الصوره باين الدخان بشكل واضح جدا !
وأخيرا
اقول وورد بريس احسن من بلوجر بألف مره !
حادث؟ بل حوادث ! March 11, 2008
السلام عليكم ورحمة الله وبركاته !
ماياني الخبر الا اليوم باليل ! ان اليوم الصبح صارت عشرات الحوادث في شارع واحد وهو
الطريق اللي يربط بين دبي وبوظبي !وعلى حسب الخبر ان اكثر من 50 سياره تأثرت بالحادث اللي استوى !
والاسوء ان في سيارات ان عشرات السيارات احترقت في الشارع !!!
طبعا اليوم في الامارات ضباب غير طبيعي وهو السبب في الحادث !
وحسب ما ذكروا ان في ٣ شخاص توفوا ! الله يرحمهم.
هذي الصور!
الله ياخذ اتصالات الإمارات !!! March 4, 2008
السلام عليكم ورحمة الله وبركاته !
حاليا كلاساتي اغلبها بالليل يعني من الساعه ٧ لين الساعه ١٠
وطبعا لازم اطلع قبل الكلاس بساعتين يعني اطلع من البيت الساعه 5 مساءا علشان الزحمه !
اذا طلعت من البيت الساعه 5 وربع انسى عمرك في الزحمه !!!
اوصل الجامعه في نص ساعه تقريبا واقعد في السياره :/ بس اليوم قررت اني اودي اللابتوب وياي
قلت خلني اقعد عالنت شوي ! حاولت اشبك بالواير ليس بس الاغلب حاط باسووردز ! قلت نشوف اتصالات …تخيلوا اشبك علي اتصالات للساعه الوحده ١٥ درهم ! ولللل ! حراميه ليش جذيه !
ساعه وحده ب ١٥ درهم؟ وين يالسين :/ ، طبعا استعمل prepaid card
ويقولون حظكم يا اهل الامارات ويقعدون يسبون في شركاتهم ههههه اتصالات برع غير وعندنا غير ! حتى سرعة ١ ميجا عندنا شهريا ب٢٥٠ درهم :/
والحين في السعوديه اقل يقولون ! اقدر اقولكم الحين حظكم :p
